తెలంగాణకు ఐఐహెచ్‌టీను మంజూరు చేసిన కేంద్ర ప్రభుత్వం

తెలంగాణకు నరేంద్ర మోదీ ప్రభుత్వం శుభవార్త చెప్పింది. రాష్ట్రానికి ఇండియన్ ఇనిస్టిట్యూట్ ఆఫ్ హ్యాండ్లూమ్ టెక్నాలజీ (ఐఐహెచ్‌టీ)ని మంజూరు చేసింది. తెలంగాణలో ఐఐహెచ్‌టీని ఏర్పాటు చేయాలని రాష్ట్ర ప్రభుత్వం కోరింది. ఈ నేపథ్యంలో కేంద్ర ప్రభుత్వం మంజూరు చేసింది. ఐఐహెచ్‌టీ ద్వారా తెలంగాణ విద్యార్థులకు పలు కోర్సులు అందుబాటులోకి రానున్నాయి. ఐఐహెచ్‌టీతో తెలంగాణ జౌళి పరిశ్రమ అంతర్జాతీయ స్థాయికి చేరుకుంటుందని మంత్రి తుమ్మల నాగేశ్వర రావు అన్నారు.